Stephy最近演藝事業更上一層樓,仲有份提名今屆香港金像獎最佳女主角添!雖然最後拎唔到,但贏咗個男友返嚟!?咁舊愛方力申咪凍過水咯?

今屆金像獎(圖片來源:hk01)

 

方力申日前公開活動上叫佢努力加油,Stephy喺公開場合答佢:「會,都係保持個初心,因為自己真係好鍾意做戲,咁樣就有動力,有目標,再接再厲,希望有好劇本同好角色!」

電影《起底組》今晚舉行煞科宴,有份演出嘅游學修、鄧麗欣(Stephy)同林耀聲等都有現身。游學修坦言一知道可以同Stephy合作好開心:「仲以為係演情侶,不過原來自己只係幫手查案嘅宅男,同Stephy都有對手戲嘅,但主要係以林耀聲為主,我哋一齊誓死追隨鄧月平。」

問游學條係咪好鍾意Stephy?佢話:「係呀,不嬲都好鍾意Stephy,佢都知我鍾意佢,佢人又靚。」提到佢哋兩個都係單身,咁游學修會唔會追Stephy?游學修笑言:「你又知我冇拖拍?」咁問夠唔夠膽追先?游學修就好大口氣回答:「我梗係追佢啦!Stephy喺心目中嚟講,係香港嘅女神!」佢仲話自己係Stephy嘅fans,講得出對方啲歌名。

游學修

不過之前被東網踢爆撻着有「氣質女神」之稱嘅網絡紅人曾樂彤喎!(資料圖片)

游學修仲話,喺合作完呢套戲後,有私下邀請Stephy幫佢客串一個佢搞嘅電視劇,點知Stephy二話不說就應承,游學修話收到Stephy回覆自己短訊時,覺得好開心興奮,估唔到自己竟然獲得女神親自回覆。

 

(Apple Daily)