袁偉豪(Ben)、唐詩詠、朱晨麗、黃長興等今日喺尖沙嘴出席新劇宣傳,袁偉豪於劇中要以接吻偷取時間續命,袁偉豪受訪時頗有感觸,原來袁爸爸同樣在生命倒數,呢個時段播都覺得好啱。

袁偉豪曾透露爸爸患過鼻咽癌,曾經好番,但近年復發連肺部都有事,最近情況更轉差,Ben一臉憂心話:「爸爸身體唔係幾好,已經搏鬥好幾年,係癌症,可以話係倒數階段,但都要去面對。」

拍攝時有冇影響心情?佢話:「有啲,但盡量唔想影響工作,o依家後生有能力,就盡力去承擔,唔想令照顧爸爸嘅媽咪擔心。」Ben直言拍劇時最辛苦,因為好多時都係最早埋位,但最遲收工,搞到眼袋好似雞蛋咁,佢苦笑話:「個殘樣都幾適合呢個就嚟死嘅角色。」

 

 

(ON.CC / APPLE DAILY)