姜紫藍(Color)曾經於亞視同有線任主持人,與及推出過寫真的o靚模,近年轉營當做女作家寫書兼同玩攝影。現年33歲的姜紫藍前年被爆閃嫁38歲太子爺劉瑞庭,有指男方乃從事會計行業。原定去年在峇里豪華酒店舉行婚禮,婚事之後不了了之,中間二人離離合合,前晚姜紫藍更被男友毆打至入院要報警處理。

有指姜紫藍男友從事會計行業,是太子爺,但因破財去年取消婚禮。(被訪者提供圖片)

姜紫藍向傳媒鬧爆賤男,希望揭穿其好好先生的面目,並稱自己曾三度被毆,今次立定決心不再包容。姜紫藍透露前晚在元朗村屋住所門外被男友拳打腳踢,電話都被踩爛,她說:「男友經濟有問題,我喺屋外同一位男性朋友講電話,幫佢問人借錢,佢發現後就癲咗咁,從後好大力打我下巴,我跌咗喺地上,我即刻衝入屋,踎喺地上雙手保護頭部,係一個投降狀態,但佢仍然死踢我,好癲,要踢多幾多下先收手,當時我好恐懼,人生冇試過咁驚,決定報警,之後送咗去屯門醫院驗傷,噚日先出院。」

(被訪者提供圖片)

求婚時送上巨鑽戒。(被訪者提供圖片)

姜紫藍又指男友有前科,試過半夜拖她出門口,要她帶其愛犬離開屋企,但每次發生事之後他就跪地求饒,她承認與男友離合多次,只因自己心軟,曾經以為人生經歷多位賤男,以為今次這段姻緣會好,但目前她認為與男友復合是其人生最大的錯誤。

姜紫藍展示其傷勢。(被訪者提供圖片)

至於為何二人會取消婚禮,姜紫藍解說:「結婚之前佢話破產,我變賣曬啲名牌手袋戒子,叫佢婚禮都唔好搞,尾數用來還債,自己亦都用咗私己錢去幫佢,又打電話畀朋友借錢,牽涉有七位數字,當時我仲未正式簽紙都願意為佢做咁多嘢,之後佢就變本加厲 。」

姜紫藍坦言,雖然男友有還錢,但畢竟數目不少,兩人之前拍拖曾租住黃金海岸,但離離合合間男方不負責任,每月數萬元的租金均由姜紫藍孭起,確實好大負擔,姜紫藍還因此患上抑鬱,目前還需服藥。之後姜紫藍搬到元朗村屋居住,男友間中到訪,她訴說與劉瑞庭相戀以來,一直受盡屈辱,她說:「好多人都話我要嫁入豪門,我幫佢還咗咁多債,佢屋企人都講好多難聽說話,但我為咗保護個男人,唔想人知道佢破產影響social life ,為佢擋子彈唔緊要,但你轉頭就打我,我終於都可以同人講點解唔結婚呢件事,一直我都冇向人交代過,o依家我需要保護自己同我父母,真係畀佢打到驚。」

2012年曾出書講述自己患上絕症的親身經歷,封面以光頭造型示人。

 

 

(Apple Daily)