藝人岑麗香出席沙田馬場舉辦的「六福珠寶賽馬日」,並為六福珠寶擔任首飾騷模特兒。以露肩上陣的岑麗香自言很凍,問到老公會否為她送暖?她甜笑說:「一定會。(鍾唔鍾意老公抱抱送暖?)個個女仔都鍾意,我都係普通女仔。(會唔會織溫暖牌畀老公?)我怕織出嚟佢會驚,一嚟要好多時間,而且我怕會有好多窿,不過我相信就算好多窿,老公都會着,佢都幾鍾意呢啲嘢。(有冇DIY手作仔畀老公?)冇試過,我哋唔會做手作,我哋多數寫字,覺得係一個紀錄,將來可以睇番。」

岑麗香指今日是她與丈夫結婚一周年,她說:「我做完呢個活動就會飛去加拿大,我飛到去當地又係17號,我係穿越時空,我好感謝時差,而且有班機嘅時間又咁啱。(送咩禮物畀老公?)我等佢送嘅禮物,我要穿越時空喎,我交畀佢安排,我相信佢會諗到。」

香香出完活動,就會飛去加拿大搵強強!

藝人岑麗香

結婚一周年快樂!

(ON.CC)