謝霆鋒嘅《鋒味》嚟到第四季,越玩越大,仲玩到話要迎戰60位廚藝高手。先係呢60位大廚較量,最後8位組隊,同「鋒廚戰隊」對戰。

可能,睇到呢度,你會問,謝霆鋒憑甚麼去挑戰咁多位世界級廚師?唔重要0架,真係唔重要。成個節目,講到幾世界級,全球各地廚師都來參賽,但講求嘅,其實都係「節目效果」。

主持人兼評判霆鋒同Mani霍汶希要求來自紐約嘅「素食女王」Daphne Cheng以肉烹調。(互聯網圖片)

Dramatic。噚日有一個介紹素食嘅fb page,share咗其中一集《鋒味》,呢集係本月初播出,重點係,主持人兼評判霆鋒同Mani霍汶希要求來自紐約嘅「素食女王」Daphne Cheng以肉烹調。Daphne拒絕,於是Mani要求佢退出。

Daphne拒絕,於是Mani要求佢退出。(互聯網圖片)

Daphne事後接受《鋒味》訪問時解釋稱:「我已經16年沒有做過肉了,我不會為了一個比賽去改變。」「很遺憾地,他們說我需要做肉食,否則就只能淘汰。抱歉我沒法做。所以我只能離開。」Daphne斬釘截鐵say no之後,三位主持及評判即圍圈密斟一陣,加埋配樂,氣氛好似好凝重好緊張。然後霆鋒就話:「所有台前幕後的工作人員,都是尊重這個。如果不做的話,就等於是棄權的話,你是這麼個意思嗎?」

Mani喺鏡頭背後就話:「比賽就是比賽,將來我們要出去PK的時候,真的不能說我只做素,不做其他的。」(互聯網圖片)

Daphne答:「是,是的。」於是三位主持及評判又圍圈,Mani面有難色。最後Mani決定:「那,再見!不好意思。」霆鋒就欠一欠身,說:「謝謝你。」Mani喺鏡頭背後就話:「比賽就是比賽,將來我們要出去PK的時候,真的不能說我只做素,不做其他的。就是團隊的精神是非常重要的。退出的話就有一點遺憾。」咁霆鋒點講呢?

Daphne事後接受《鋒味》訪問時解釋稱:「我已經16年沒有做過肉了,我不會為了一個比賽去改變。」(互聯網圖片)

補充番先,今次比賽,係挑選「鋒廚戰隊」隊員,同世界名廚對戰。呢期主題係肉食,Daphne上一round已出場,佢煮素,對手煮肉。Daphne可以用純素材料做出肉食嘅色香味。節目交代到,當霆鋒聽到Daphne係素食主義者,已經表示唔適合佢,但另一評判主持話可以留低,於是就提議雙方交換煮,一個煮肉一個煮素,即係依家講緊嘅呢條片。換言之,即係Daphne一早知道遊戲規則係咁?

三位主持及評判即圍圈密斟一陣,加埋配樂,氣氛好似好凝重好緊張。(互聯網圖片)

表面上係。因為Daphne嘅回應版本,完全係另一回事(見另文)。所以,Daphne嘅退出,霆鋒應該不感意外。事後他還在鏡頭前侃侃而談:「我完全是尊重做素的精神,也非常尊重她這個信仰的,只是當外面的很多的狀況,或者是主題,並不是我們想的,可能是外來的一些因素,那這個『鋒味戰隊』會…對…沒法搞。」

最後Mani決定:「那,再見!不好意思。」霆鋒就欠一欠身,說:「謝謝你。」(互聯網圖片)

網民稱:「根本就是對價值觀及底線的挑釁。」、「個人認為,對一位全能的廚師或許要煮出全能的菜式,但這是領域的不同,而且主辦方是知道他們的領域,在希望增加收視率的期許下才有此安排。」也有網民稱:「謝霆鋒指名叫一個茹素16年的出名素廚Daphne Cheng煮肉,還敢說“respect”?小朋友,究竟你知不知道自己在説甚麼?」承上文,為咗收視,大家仲可以去到幾盡?

Daphne:「很遺憾地,他們說我需要做肉食,否則就只能淘汰。抱歉我沒法做。所以我只能離開。」 (互聯網圖片)

http://s.nextmedia.com/realtime/a.php?i=20171217&s=7018882&a=57593722

(蘋果日報)