【世紀復合﹖】媒爆承諾改過後成功打動老婆唔離婚

上年9月宣佈離婚,震驚各界,不過今日一早傳出。。。

【世紀復合﹖】媒爆承諾改過後成功打動老婆唔離婚

上年9月宣佈離婚,震驚各界,不過今日一早傳出。。。

荷里活前金童玉女畢彼特(Brad Pitt)與安祖蓮娜祖莉(Angelina Jolie)去年9月宣布離婚震驚全球後,現有指二人已經取消離婚,世紀復合!

美國娛樂雜誌《Us Weekly》搶先爆料,以42歲安祖蓮娜與53歲畢佬已取消離婚為封面故事。內容指畢安根本沒有進一步辦離婚,令程序停滯不前,仲引述內幕人士消息:「離婚已經取消。數個月來佢哋根本冇做任何嘢去進一步辦離婚,亦冇人覺得佢哋將會繼續咁做。所有人都認為畢安會復合,如果真係宣布取消離婚,希望好好解決問題,大家都唔會覺得好驚訝。現時二人為咗仔女都相處得唔錯。」

至於因為乜嘢令安祖蓮娜心軟,雜誌就指出因為畢佬今年5月接受雜誌《GQ》訪問時表示已戒酒,呢樣係安祖蓮娜一直最希望發生嘅事,安祖蓮娜友人爆料:「畢佬承諾改過成功打動安祖蓮娜,佢不時都講如果畢佬肯全心全意照顧好家庭就願意復合。」不過其他外國傳媒好似《每日郵報》(Daily Mail)及《ET Online》就話離婚雖然停滯不前,但二人關係冇咩大改變,未有眉目見到會復合。

(東方日報)