藝人黃心美、Soler、何思諺及張雷等到西貢出席宣傳活動,向街坊介紹電台電視節目內容。由於天氣酷熱,滿身大汗的心美表示很少參與戶外活動:「我唔得,會曬黑,又會瘋狂標汗,新陳代謝好似兩歲小朋友咁,又好易畀蚊咬,但係拍咗都要宣傳。」她又透露有份參演的劇集內容是關於對少數族裔的歧視和小朋友的金錢觀,應昌佑飾演她老公,有一名小學三年級的兒子:「好搞笑,我個仔好肥大,佢哋好睇得起我,我第一次飾演媽媽,拍嗰時我同佢講『媽咪生你一定好辛苦!』」談及與小孩合作的難度,心美指對方人細鬼大:「佢一見到我就話『我知你係黃心穎家姐啦』,佢搵咗我好多資料,又成日問八卦嘢,仲請我食糖。」

周柏豪發短訊打氣

離婚消息公開後,心美坦言得到很多朋友關心:「有啲好耐冇合作嘅導演都同我講加油,話原來我唔係花瓶,原來我好顧家。周柏豪都Message我話睇咗(報道),叫我加油,衷心祝福我以後會好好,呢啲好感動。」問有否勇氣接受新戀情?她豪言:「有!點解冇?我膽生毛!但要隨緣,唔係想識就識到,等上天安排。以前會諗好多,覺得結咗婚將來就好好,但發覺現實唔係咁,計劃得太長遠,到頭嚟又係一場空,所以依家唔會諗咁遠,開心就好。」

指陳安立不負責任

提到緋聞男友ViuTV藝人陳安立,心美斬釘截鐵說:「絕對冇!冇可能!佢最近回應咗,話一直好努力為我謀幸福,會介紹人畀我識。佢真係好不負責任,其實冇!佢講大話。(你期待佢介紹?)我唔期待,相睇好老土,唔使啦!要遇到就遇到,落街放狗都遇到,不過可能我隻狗遇到先。」

(東方日報)