陳豪同陳茵媺喺2013年結婚兼生仔,喺陳豪有心有力嘅情況下,話咁快就三年抱三。而且個個盡得爹哋媽咪嘅外型真傳!

之前有報道話陳茵媺為咗大仔Aiden搵學校,為囝囝拎到著名嘅哈羅香港國際學校嘅入場券,之後再用「世襲制」,畀細佬妹入讀,用咗500萬買入國際學校資本證券兼畀Aiden讀學前班。

之後再有報道話陳豪同陳茵媺帶咗Aiden去加拿大國際學校面試,希望仔女可以喺輕鬆環境下學習,所以最後首選係國際學校。

不過最後陳氏夫婦兩間都冇揀,今日有周刊報道話經過陳茵媺嘅篩選之後,決定將Aiden入讀香港猶太教國際學校。

呢間學校雖然比較冷門,但田因為佢哋喺培育小朋友嘅數學同精算方面好有佢哋嘅一套,而且猶太人又一直有天才腦,於是二人不惜山長水又遠,二公婆流由比華利山送Aiden去半山返學。

陳豪未有正面回應,只係話Aiden已經適應學校嘅生活,亦透露太太已經有復出計劃!

 

 

(蘋果日報)