賈曉晨(JJ)同今日43歲生日嘅樊少皇喺2015年尾結婚。兩人現時都主力喺大陸發展!

結婚一年幾,不時都傳出兩人有BB嘅消息,而今日JJ似乎真係有喜訊公布!

JJ喺微博上載咗張同三隻愛犬合照,隔空祝老公生日快樂。

「蛋皇全家祝你生日快樂!永遠幸福!」喺字裏行間冇透露箇中玄機,不過相中嘅佢就刻意用手摸住自己個巨肚。見佢身形仲明顯脹咗,睇嚟懷孕機會極大,但手腳依然纖幼,令人非常羨慕!

樊少皇就回應一句:「永遠愛你們!」有好多網民都問女神係咪有咗BB,不斷恭喜佢做媽咪咁話!

 

 

(on.cc 東網)