曾演出港產片《桃色》嘅韓國42歲變性藝人河莉秀,上月19號係佢同老公C結婚十周年嘅大日子。

不過今日韓國傳媒就驚爆河莉秀已經同老公鄭英振協議離婚,結束十年婚姻。據知鄭英振嘅事業失敗對兩人嘅感情有好大影響,加上經濟上嘅困難,同埋性格差異,令兩人決定離婚。

 

河莉秀與鄭英振於2007年5月19號結婚,老公比佢細6年,當年因為河莉秀係變性人身份,所以二人嘅結婚消息十分轟動。而河莉秀平日都有喺Instagram晒靚相,但鮮有上載同老公嘅合照或者老公嘅單人相。

 

(蘋果日報)